لما الطوبة جت بالمعطوبة
قالت لى و اعملها خطوبه
أتاريها كانت تفحت لي
أتاريها ناوية على قتلى
وحراير جبت فى يناير
وستاير جبت فى فبراير
تعمل كوارث وانا معاها 
ماشى حارس كل ده 
شوفته منها بمارس
وفى ابريل بقيت قتيل
حسيت بمصيبه ياناس
جت لى
اتاريها ناويه
على قتلى
الخلق ياخلق خلاص
ضاق
والجيب كمان أضيق
واضيق
والفقر كمان أوشك اوشك
وفى منطقه شيك وشقه
أشيك
والنبى ياغزالى 
اكيد عزالى
ولا انت ياسيدى
أيه رائيك؟
هات لى كمان وكمان هات لى
ناويه الحلوه على قتلى
قالت سرحان ليه 
كدة مالك
نفسى بشقة بالزمالك
ولا أحسن مني فى ولا ايه
رد علي علي يا بيه
عايزه أرضيه تكون باركيه
والسقف يكون دهبى وفضيه
وايه يعنى مليون جنييه
على البنك بس انت ابعت لي
أكيد أكيد عايزة قتلى 
كلامى علطول معجبهاشى
عيزانى دايما أقول ماشى
من بعد الحنان والرقه
ظهرت أنيابها المزرقه
وشقه ومشقه
علشان تتباهى وتتفاخر
وكل يوم بكلام اخر
حسيت ساعتها انا بجهلى
ياقلبى ايه نابك
ايه جوابك
وانتى يكتر خطابك
أما انا أدور على مهلى
ولا حلوه تانى تندهلى 
ولا هات لى وهات لى
ولا حد ينوى يوم قتللى

الشاعرالمصري/ سمير الجمل