اعمل إيه لو طيفك جاني صحصح فيّا الشوق وناداني

ارجع تاني وتبقى حبيبي؟

أنا مقدرش؟أرجع لك تاني .

كان ياما كان وده كان له أوان لمّا جمعنا الحب زمان كنت حبيبي وكنت حبيبك

كان لي ف قلبك جوّه مكان

كنت عيوني اللي بشوف بيها

كان لك قلبي خاتم سليمان .

لكن لمّا جافيت و قاسيت جيت وعاتبتك وما ردّيت قلت أحاول تاني..

واسأل ألقاك تبعد عنّي..

وتتقل قلت خلاص يبقى انت نسيت خدت جراحي معايا. .

ومشيت كان مشوار الوحده طويل مر العمر ليل ورا ليل وانت ف ليلى الساكت لسّه رغم الجرح ..

لحن جميل .

ولا حبّيت بس عرفت انّك حبّيت ليه طب جيت ?

باعت طيفك ليه بالشوق جاي وفارد لي جناح الشوق

واقف طول اليوم ع الناصية ويغنّي على أد الشوق

ضاع الشوق من قلبي وقلبك ولا تحلمش اسامحك يوم وأرجع احبّك

ياما سنين حبّك مشّاني فوق الشوك و بقسوه رماني ف نار الهجر وقاللي

انساني يبقى ازاي انسى اللي أذاني كنت ضحيّة وانت الجاني .

طيفك ليل ونهار سوّاح داير بيدور حوالين البيت يبكي ويطلب مني سماح نرجع تاني لبعض ياريت .

أنت فاكرني بسرعه نسيت?!

عمري أبدا ماانسي هواني ولا جرحى من قلب هواني

لو من تاني ضحك لي زماني و طيفك جاني صحصح فيّا الشوق وناداني

عايز تاني تبقى حبيبي ?

إنسي حبيبي ! أنا مستحيل ارجع لك تاني ……… . .

بقلم هادى مختار