بدون سابق إنذار
أحمد صبري
–
مايغركش الكلام
ولا تنخدع في الناس
في زمنا تدفع كام
وتشتري الإحساس
تاخد صاحب تمام
حارس من الحراس
عايز عشق وغرام
رمان تفاح اْناناس
–
ف وقت ضايع مشيت
كنت فاكرهم معايا
محبة وخير إديت
صافية النية جوايا
على اد ما حبيت
تعبت قلبي معايا
غدر وجرح إتمليت
خيانة طول الحكاية
–
صحيح غابة و تعالب
والضبع واخد حقه
العيب مبقاش يتعايب
والحق الظلم زقه
النهار دبلان وشايب
والليل الفجر شقه
صحيح دنية عجايب
الشهم كترت مشانقه
–
يا طيب فوق وشوف
باينة إدام عينيك
ولا حد وش كسوف
ولا حد باقي عليك
مفيش مكان للخوف
طيبتك مرض واذيك
اللعب على المكشوف
ودوس ع اللي ناسيك
–
بحر الحياه مرار
واللي بتحسن إليه
يفتح عليك النار
ولاحتصعب عليه
اللي تلاقيه غدار
إرميه ولا تساْل فيه
بدون سابق إنذار
إقفل قلبك تحميه