الرئيسية آخرالاخبار آراءحرة أخبار عاجلة أخبار عالمية أخبار عربية أخبارالعالم العربي ألبومات الصحافة العالمية الصفحة الأدبية المسابقةالأدبية الدولية لصحيفة التايمز الدولية بأقلامهم حوادث شعر وشعراء صحافة عالمية مختارات صحيفة التايمز الدولية
الشاعرالمصري الكبير/سميرعبدالحليم الجمل…يكتب…أنشودة الحياة قـصـرالأحــزان
الإثنين 19-06-2017 11:07
يا صوت صوتى يا آتى
من عتمة سكاتى
يرتل صوتى فى شبابيك النور
ويشهد لكل قلب رق شهادة حق
ان الزمان بيجور ويكسر المكسور
آه ولا ﻻ. ؟ دى شهادة حق مش زور
أنا ؛الشادى والمنادى وصرخة الأحزان
وقلب اللى اتغلب وصبح غلبان
دعواتى ابتساماتى بالمجان
أنا :صوت الحزين .متعلق بشبابيك نور
وعزيمة الأمل والعمل تشق صخور
أنا كلمة شجن وألم أتعجن وآهة فن
لما اتجن وحن له وصقف الجمهور
أنا: الأشواق المبرحة وبكره أبو اجنحه
والأخبار السعيده الجديده المفرحه
ومن قديم الأزل
وانا لم أذل
أقيم فى ركن عقيم
و
عتيقه حجرة الاحزان
الدمع لما ينحدر فى الحزن يغوص
يستخرج الجدل من صفحات القاموس
الدمع لما ينحدرعلى جدار الاسى
العتمه تعم وتلقاه بهتان الفانوس
يشق الفرح بجرح أحد من أحد موس
عتيقه حجرة الاحزان
من غير نهار من خشب والزان
تلقى غبار على كل البراويز
وخلف الباب سلم منهار اخره
فيه دهاليز
لازم تكون انسان لازم تكون فنان
حتى فى حزنك عزيز
عتيقه حجرة الاحزان
زارع من الامل ألفين قراط
وشايل دفاتر مهجتى تحت الباط
وببعد عن اى طريق يوصلنى للأحباط
وطاردانا من ليلى تلتميت وطواط
أنا :اللى كاره اليأس كره العمى
فلا بأس خد منى راق لكن خد منى
أمانى على الشفاه والخد مدعمه
كاره اليتم والتعتيم عايش فرحتى
بالناس ولوحدى يتيم
طرح الامانى بالارض طول وياعرض
بدافع عن الغد المفطوم والمظلوم
والحلم المهدوم والفرح العريان بلا هدوم
ياقاضى الجبل قولى ايه السبل
بدى لحالى دار
الحزن كتير اجل اجل والهم بالقنطار
ياقاضى الجبل لما الجبل
فى يوم حبل يادى العار
خلفته لاقتها فار يا دى الخجل
عرفت ان حالى اه غالى
غالى بلا عتب ولا اعذار
السنين قصار والدمع جهار
عرفت انى عايش طايش
والطيش طريق الصواب
وللسؤال هو الجواب
وان السما كلما ..ضاق المضيق
لها الف طريق ولا يقفل لها باب
الشاعرالمصري الكبير/سميرعبدالحليم الجمل
