الصفحة الأخيرة 

وَلاَ كنتى أول شريكةْ عُمْر ضاعت منى وَلاَ إنتى آخر شريكه باجرى واسابق الزمن .. والحياه قبل الجريمه الوشيكه . كدّبْت ماصدقْت وباعيش مرور الوقت قبل الدموع ماتذلّنى حطيت دماغى ع الحجر واشتقت إيدك .. مرايتى .. أول المشوار صمت الشوار ع .. والمحلات القديمه والانتظار من أول الدنيا شوق المحطات البعيده .. للى بيسافروا بعيد مازال مابيننا ميعاد .. ولارحناش كل الشوارع عاميه بتوصّل غلط والترمايات قاطعه الطريق بالعرض شايفِك .. ومش شايفك يادى الليالى منين حتفتكرينى . الموت لازال هوّ القوى والحب زى الجوع وزى العطش لكنه لايشْبَع .. ولا يرتوى ولازال ما بيننا قَدّ ما بيننا من الكراهِيه قد الساعات المنتهيه قد الليالى المبتديه قد ماليكى من الأيام .. وماليا . عارفك حزينه قد ماالسفن الغريقه وعينيكى صافيه زى نار الحريقه وايديكى صافيه .. والسما والبحر فى نفس المرايه وحدِك ووحدى ننتهى نفس البدايه لامعنى .. ولاغايه ولاإله فى الأرض يهدينا الهدايه . وحدِك .. ووحدى ولاّ مش وحدنا بايدينا نقْطَع بعضنا من بعضنا والساعات ماشيه بطيئه .. تذلّنا والموت لازال .. هوّ القوى .

الشاعرالمصري /عمر الصاوي

(من ديوان الامتحان 1983)