جدتى زمان ضربت لى مثل
ازاى الست تكون حره
اللى تعشق عيشتها
ولا تبص لغيرها بره
كانت تقول على اللى تجيب
سيرة الناس
دى ست موكوسه
شاطره بلسانها ولا تعرف الخيار
من الكوسه
كانت بتنصح جيرانها
فتحيه ونوال بنت نفوسه
جدتى كانت تعرف قيمة الرجال
وعلى كل حال
كانت تقوم لما تسمع لجدى صوت
لما يصحى ويكح او من عليها يفوت
ولما بيعدى
تعرف سر تركيبة جدى
عارفه فى العلم والطب
والموضه والحساب والحب
والفرح والهموم والقلب
والشهور والطهور وألبخور
وفك الكرب
وعارف مهام الام ودور الاب
وعارفه اللى يتكلم بذوق
واللى غشيم بيدب
جدتى
كانت تفرح لما الفرخه تبيض
ولما دكر البط ينط
تفرح لما البنت تحيض
ولما الواد شنبه يخط
جدتى
زوجه وحبيبه
وممرضه وطبيبه
عارفه اﻷى يسخن ويهلوس
ترقيه وتبخره وتبرده
يصبح كويس
عارفه مواعيد عيالها وبيتها
فطارها غداها عشاها
ولا مره تأخره
وبيتها يوماتى تبخره
اه يا جدتى
انتى فين
وحشتى القلب والعين
فى كل وقت اناديكي
حشتنى ريحتك
والبركه اللى تتدحرج من ايديكى
حبى وودى لروحك اهديكى