أنا الفارس
أنا الحارس
أنا الواقع
و المحال
وقبل ما الكلام
يتقل والف لسان
القاه يسأل
ياماسكه ريشتك
ورسمك أمامى مستوفى
احكى حكايات
أموات عايشين
واللى عايشين أموات
أحكى أحلامى
أمامى ومخاوفى
ارسميني
حمامه فوق ليالى
المحال
ورؤس الجبال
ارسمى طيفى
وحد سيفى اليمين
وحد سيفى الشمال
ارسميني
وبحارب ملوك الغش
ملوك الضلال
أرسمينى ببشاشه
فراشة بأجنحه
مزوقه
رقصت ووقعت
تحت رأس المطرقه
والسندال
انا الفارس
الحارس
الواقع والمحال
ارسمينى
وانا سكران
ولا شارب
ولا هارب
من اى زمان
لجام مهرى
على الغارب
وبحارب
ايادى افسدت
أجيال
ا رسمينى
بلاش الشمع
بلاش الدمع
صوره صوت
وسمع
بأعلى تقنية
ارسمينى
ومهرتى جنيه
خطاويها تطويها
مقام حجاز لو جاز
لاشجى اغنيه
بعدم تتسمع تتقال
انا الفارس
الحارس
انا الواقع والمحال
ارسميني
انا ومهرى
على دهري
ضحكنا لحد مابكينا
رقصنا الليل وغنينا
وشوفنا الويل وقاسينا
وفى عز ضهرى
شوفنا نجوم وهلال
انا الواقع وانا المحال
أرسمينى من غير جمايل
دمع سايل
على خد الليالى
ومرار عيشنا
ونهرنا جارى
ومحرومين
لو يوم عطشنا
نهر جارى
بايع وشارى
لكن متعكر
ساعتى غى ايدى
بتفكر
لا تقدم ولا تاخر
لكن ياسيدى
وطنى بوريدى
بل اكتر
ارسمينى جواب
اغراب
وعتاب
لألف الف سؤال
ارسميني
فارس حارس
مهر غزال
واقع محال
لو فى مجال

الشاعرالمصري الكبير /سميرعبدالحليم الجمل