التايمزالدولية

على فين يا قطر رايح

                قل لي مودينى فين

واخذ في وشك وطايح

                    وانا عندي مدرسين

واقفين من الصبح بدري

                   في طابور  مستنيين

وانا ونوال وتوتو وسالي متواعدين

                 نرسم صوره على كراستي

حاسب اوعى يا قطر وسيبني

                راح اتاخر على مدرستي

قال لي ابويا في يوم وصانى

                  انت الراجل ويا اخواتك

اوعلهم دائما يا حماده

         واوع تقول لي الامر ده

فاتك و ان جه مره نسيم يداعبهم

       حوطهم  انت بدراعاتك

  اقسم اني حافظت عليهم

لكن الوقت كانه قصير

            ما لحقتش الملم خلجاتى

و من الصدمه العقل اتحير

          اوعاكى يا اما تكوني حزينه

واملى الدنيا بالزغاريد

              ده حبايبك من اليوم وطالع

هيسمونا بأسم شهيد

            امسحي ياما دموع في عينيكى

ده انا واخواتي هنا مبسوطين

           والجنه جميله خالص

وناسها طيبين

           راح نستنى هنا في الجنه

انت وابويا لما تجلنا

            ونحضر لك طيب وحنه

ونزوقلك باب الجنه

          وانت يا ابويا اوصيك بامي

 خليك جارها وقت الشده

         وسلام منى كثير لخوالى

وولاد عمي و اهل الحته

التقت صحيفةالتايمزالدوليةبالشاعرالمصري الكبيرحسام جادلتسأله عن قصة هذا الرثاء 

فأجاب والدموع تنهمر من عينيه إن الحادث الأليم لقطار أسيوط عام 2012 والذي أودي بحياة  48 تلميذًا عام  مازال عالقاّ في أذهاننا نتجرع كأس المرار وفي عام 2015قضت محكمة النقض، بتأييد الحكم الصادر من محكمة جنح مستأنف منفلوط، بالسجن 10 سنوات لكل من سيد عبده رضوان حسنين (عامل مزلقان)، وحسين عبد الرحمن عبد الحليم، (ملاحظ بلوك – محولجي)، بعد اتهامهما بالإهمال في واقعة اصطدام قطار بأوتوبيس مدرسي أودى بحياة 48 تلميذًا عام 2012؛ وذلك بعد أن رفضت المحكمة الطعن المقدم من المتهمين في حكم سجنهما.

صدر الحكم برئاسة المستشار أنس عمارة وعضوية المستشارين عبد الله منصور وربيع لبنة وأحمد زلمة ومحمد حلبى وحازم داود وحسن كفافى وبسكرتارية حسام الدين أحمد ومحمد زيادة

حيث تعود الواقعة إلى 17 يونيو 2012 عندما اصطدم قطار رقم 165 في الثامنة صباحًا، أثناء قدومه من أسيوط إلى القاهرة، بأوتوبيس مدرسة دار حراء الخاصة بقرية المندرة دائرة مركز منفلوط بمحافظة أسيوط، حيث انحشر الأوتوبيس بين عجلات القطار مما أسفر عن وفاة 48 تلميذًا وإصابة 13 آخرين.