الرئيسية آخرالاخبار أحداث عالمية أخبار العالم أخبارالعالم العربي أخبارك الاكثر تعليق الاكثر قراءة الرئيسية الصحافة العالمية الصفحة الأدبية الصفحةالرئيسية العالم في أخبار العرب اليوم ثقافة صحافة عالمية صحافة محلية
اه لو عاد الزمان بينا ورجعنا لحضن اهالينا هنعيش العمر بالثانيه ولا نضيع حجات تانيه…قصيدة للشاعر المصري /حسام جاد
الأربعاء 02-11-2022 16:30
اه لوعاد الزمان بينا
اه لو عاد الزمان بينا
ورجعنا لحضن اهالينا
هنعيش العمر بالثانيه
ولا نضيع حجات تانيه
ويجمعنا سقف نفس البيت
ويعود كل اللى راحو يا ريت
ابويا وامى واخواتى
تحوطهم دراعاتى
ده لو عاد الزمان بينا
ورجعنا لحضن اهالينا
لا اخاصم اخ ولا اصحاب
واعيش بالحب فاتح باب
واخلى الكل في عينيه
واجمعهم حواليه
وأجرى وامشى بالمشوار
واملى بحبى كل الدار
ده لو عاد الزمان بينا
ورجعنا لحضن اهالينا
ابويا كلامه يتنفذ
ولا يزعل ويتنرفز
مداسه يبقى فوق راسى
واحبه بكل احساسى
ويامرنى واقول حاضر
واكون سنده واكون حاضر
ده لو عاد الزمان بينا
ورجعنا لحضن اهالينا
امى ست كل الناس
بحنيتها والاحساس
عشانها كل صعب يهون
ومن غيرها اكون مجنون
وتسمع منى احلى كلام
وابوس ايدها كل ليله وانام
ده لو عاد الزمان بينا
ورجعنا لحضن اهالينا
اخويا كبيرى وسط الناس
بيحمى ظهرى وليا اساس
اشيله فى عينى واسمى
حبيبى دمه من دمى
نصحته ليه خط بيان
وحبى يبقى ليه عنوان
ده لو عاد الزمان بينا
ورجعنا لحضن اهالينا
