سيدات القرنة وأرمنت بمحافظة الأقصر كانوا هدف لينا اننا نعلمهم حرفة ينافسوا بيها فى السوق.. بدأنا بتدريب مجموعة منهم على حرفة الحلي وقدروا يطلعوا منتجات بتتعرض دلوقتى فى المتحف المصرى الكبير..
الثلاثاء 14-05-2024 12:01
سيدات القرنة وأرمنت استمروا معانا في رحلة التمكين الذاتي من خلال تدريب المهارات الحياتية..
ودي خطوة مُكملة ورئيسية يتعرفوا فيها على قدراتهم الشخصية ويكتسبوا ثقة في نفسهم أكتر..
ويقدروا ياخدوا خطوات صح عشان يحققوا أحلامهم.
مش كدة وبس.. السيدات خريجات التدريبات الحرفية والزراعية في قرى مختلفة في الأقصر الراغبات فى بدء مشروع صغير نظمنا لهم ورشة عمل حول “المتطلبات الأساسية لخدمة المنح العينية”… بنساعدهم فيها يعرفوا أكتر عن إجراءات التأسيس والتراخيص، ومبادئ الملكية الفكرية وكيفية عمل دراسة جدوى.. ده غير ابتكار العلامات التجارية..
كل ده اتعلموه في إطار مشروع “معالجة الدوافع الاقتصادية للهجرة غير الشرعية” اللي بينفذها المجلس القومي للمرأة بالشراكة مع الاتحاد الأوروبي بمحافظات البحيرة والغربية والأقصر والمنيا.
